Чави го објави своето пензионирање

Една од најпознатите фигури во историјата на Барселона и шпанскиот фудбал го објави крајот на неговата кариера. Чави Ернандез соопшти дека ова ќе биде негова последна година како професионален фудбалер, а по крајот на сезоната ќе се упати во нова насока – тренерство Во моментов, 39-годишниот маестро е дел од катарски Ал-Сад, а пред тоа, речиси две децении, го носеше дресот на каталонскиот колос од „Камп Ноу“.

– Ова е мојата последна година како фудбалер, но сакам да видам што ќе ми понуди иднината како тренер. Филозофијата како тренер ќе ги одразува погледите, кои сум ги исповедал со години под влијание на Јохан Кројф и „Ла Масија“. Сакам да гледам како тимовите ја поседуваат иницијативата на теренот, исповедаат напаѓачки стил на игра и истовремено вложуваат на она што сите ние го сакаме уште од детските години – фудбал со голем посед на топката, напиша легендата во изјавата за медиумите.

Со тимот на Барселона, Чави освои вкупно дваесет и пет трофеи, од кои најзначајни се несомнено осумте титули во Шпанија и четири трофеи во Лигата на шампионите. Со националниот дрес, тој играше огромна улога во европските титули и во триумфот на Светското првенство во 2010 година.