До 10 часот во Дебар гласале 1,3 отсто, во Центар Жупа два отсто од гласачите

Текот на гласањето во општините Дебар и Центар Жупа минува без проблеми, но, со слаб одѕив на гласачи.

– Од вкупно 18.574 избирачи, кои гласаат на 27 избирачки места, до десет часот во нашата општина своето граѓанско право го оствариле 239 граѓанин или 1,3 отсто. Вообичаено поголема излезност очекуваме во попладневните часови, изјави Елмира Бакали, претседателка на Општинската избoрна комисија.

Споредено со првиот изборен круг излезноста е помала. Тогаш до 10 часот гласале 561 лице или три отсто од вкупнот број гласачи.

Во општина Центар Жупа излезеноста е речиси идентична како и во првиот круг.

– До десет часот гласале 144 лица или два отсто од вкупно запишаните 6.953 лицa со право на глас, изјави Еран Зубер, претседател на ОИК за оваа oпштина.

Во првиот круг до 10 часот во оваа општина гласале 155 лица или 2,2 отсто.