Во Делчево над 30 отсто од граѓаните гласале до 13 часот

До 13 часот 30,14 отсто од гласачите кои се регистрирани во избирачкиот список во Делчево го оствариле своето право на глас на 36 избирачки места.

– Заклучно со 13 часот гласале 30,14 проценти или 4423 гласачи од вкупно запишаните 14.673, истакна претседателот на ОИК – Делчево, Владимир Петровски.

Во Македонска Каменица до 13 часот во рамки на денешниот изборен ден од 6619 евидентирани гласачи своето право на глас го оствариле 1959 граѓани.

– Досега немаме никакви проблеми, а до 13 часот, 1959 гласачи или 29,6 отсто го оствариле своето право на глас, соопшти Сања Митревска, претседателка на Општинската изборна комисија од Македонска Каменица.

Процентот на излезност во Делчево и Македонска Каменица во споредба со првиот круг е во благ пораст.