Во штипскиот регион излезноста до 15 часот е 40,8 отсто

Во Штип до 15 часот гласале 17.045 избирачи. Претседателката на Општинската изборна комисија (ОИК), Сенка Андреева вели дека според овие бројки излезноста е 40,8 отсто.

-Во споредба со првиот круг, денеска во 15 часот имаме повисока излезност на 77 избирачки места од 5,2 отсто или на гласачките места гласале 8.486 жени и 8.559 мажи, истакнува Андреева.

Во малата рурална општина Карбинци излезноста во 15 часот е 42 отсто, во Пробиштип до 15 часот на гласачките места излегле 46 отсто од граѓаните или веќе гласале 5.900 избирачи, а во Општина Свети Николе излезноста е 45,87 отсто или досега гласале 6.697 избирачи.