Излезноста во Крива Паланка до 15 часот 52,66 отсто, во Ранковце 46 проценти

До 15 часот во општина Крива Паланка на гласање во вториот круг од претседателските избори излегле 52,61 отсто од вкупниот број граѓани запишани во Избирачкиот список.

Како што истакна претседателот на Општинската изборна комисија, Душко Арсовски, изборниот ден се одвива мирно, без какви било проблеми.

Според Избирачкиот список, право на глас во општина Крива Паланка имаат 16.982 граѓани.

Општина Крива Паланка предничи во процентот на излезност во општините во државата.

И во општина Ранковце процентот на излезност до петнаесет часот е висок, 46 отсто. Се гласа на тринаесет избирачки места, а право на глас имаат 2971 граѓанин.