Ново амбулантно возило за итна медицинска помош во Крушево

Здравствениот дом во Крушево доби ново амбулатно возило за итна медицинска помош од Министерството за здравство.

Зорица Манчевска Трајчулеска, директор на Здравствениот дом вели дека ова е прво ново возило по седум години и многу ќе значи за укажување на итна здравствена помош на граѓаните, изразувајќи благодарност до Министерството.

–Здравствениот дом имаше голема потреба од ова возило, особено за повозрасната популација, но и поради поголемиот број интервенции, пред сé, превентивно потребни при одржувањето на високо адреналинските настани во Крушево кои ги има преку целата година, како натпреварите во параглајдинг и змајарство, велосипедските и планински тетури, вели Манчевска Трајчулеска.

Новото амбулантно возило за итна медицинска помош е марка „Рено Мастер".