Хорот и оркестар „Бешикташ“ од Истанбул со настап во Тетово

Хорот и оркестарот „Бешикташ“ од Истанбул, Турција ќе настапи пред тетовската публика. Во рамки на фестивалот „Меридианс“ тие ќе се претстават вечерва со почеток во 21:00 часот во големата сала на Центарот за култура „Иљо Антески Смок“ во Тетово.

-Хорот и оркестарот ќе ги предводи познатиот диригент од Турција, Хамди Демирџиоглу. Влезот е бесплатен за сите заинтересирани, соопштија од здружението за култура „Артал“ од Тетово кои се организатори на фестивалот.

Вчеравечер хорот и оркестарот „Бешикташ“ од Истанбул настапија и во Гостивар. Настаните се поддржани од Министерството за култура.