Се гради нова спортска сала во ОУ „Фаик Коница“ во кичевското село Грешница

Во дворното место на училиштето „Фаик Коница“ во село Грешница, Кичевско започнаа градежните зафати за изградба на нова спортска сала за потребите на училиштето.

-Според проектниот план спортската сала ќе биде со површина од околу 1000 м².

Инвестицијата е вредна близу 400.000 евра, која ја одобри Министерството за образование и наука, а средбата се обезбедени преку Банка за развој при Совет на Европа и Буџет на Р.С.Македонија, а спроведена преку Министерство за образование, вели заменик директорот на училиштето Зија Лутфиу.

Изведувач на работите е „Гранит“ АД Скопје, а техничкиот надзор е доверен на „Евро Консалтинг“ ДОО Скопје.

-Новиот градежен зафат е дел од Проектот „Изградба и опремување на 145 училишни спортски сали“ финансиран од Владата на РСМ. Проектот е предвидено да биде готов до крајот на оваа календарска година. Инвеститорот, Министерството за образование и наука, во проектниот план има предвидено и комплетно опремување на спортската сала, со ентериер, подна облога, справи за спортување, истакна Лутфиу.