Фластер против срцев удар ќе биде тестиран на луѓе (видео)

Врз група доброволци, наскоро ќе започне тестирање на нов вид природно зацелување на срце, коешто се одвива со помош на матични клетки, по настанат срцев удар, јави Би-Би-Би.

Овој принцип на природно лекување вклучува нешто налик на „фластер“ кој се „зашива“ на оштетениот дел од срцето и се претвора во здрав функционален мускул, а во истовреме ослободува хемикалии кои го обновуваат ткивото.

Срцевиот удар настанува кога затнатата артерија го блокира дотокот на крв во срцев мускул, по што прекинува снабдувањето со кислород и хранливи материи. Тоа може да значи и трајно оштетување на срцето.

Првичните тестови се покажаа успешни, а испитувањето на луѓето треба да почне наредниве две години, соопштија кардиолозите од Универзитетот Империјал колеџ во Лондон.