Денеска ќе бидат познати групите за ЕП 2020

Извлекувањето на групите за претстојното Европско првенство во ракомет сениорска машка конкуренција, што во јануари 2020 година, ќе се игра во Шведска, Австрија и Норвешка, ќе се изврши денеска со почеток од 18:45 часот во Виена.

Северна Македонија по освоеното прво место во квалификациската група, го обезбеди своето учество на Европското првенство, а во пресрет на извлекувањето нашата селекција е сместена во вториот шешир.

Според системот на натпреварување, извлечени ќе бидат шест групи со по четири репрезентации, од кои најдобропласираните две селекции, продолжуваат во втората фаза.