Израелска компанија продаде дрон за осум милиони долари

Израелската компанија Аеронаутикс објави денеска дека потпишала договор вреден осум милиони долари за продажба на својот напреден дрон „Орбитер 3″ во неименувана азиска земја.

Како дел од договорот, како што е наведено од страна на компанијата, e и специјален авион за транспорт на беспилотни летала, како и техничка поддршка и одржување на беспилотни летала.

Тактичкиот дрон Орбитер 3 УАВ е компактен лесен систем, со опсег од околу 150 километри, објави „Ерусалим пост“.

Беспилотното летало може да остане во воздух седум часа, а негова главна цел е собирање разузнавачки информации.

Дронот е целосно автономен систем што може да се склопи за неколку минути и да биде лансиран со катапулт, додека за слетување користи падобран и воздушни перничиња, се вели во соопштението на компанијата.Израел е водечки извозник на беспилотни летала.