Пецаковски по четврти пат ќе го облече дресот на Металург

Дејан Пецаковски во новата сезона повторно ќе ги брани боите на Металург. Договорена е соработка во траење од една година.

Иако потекнува од школата на Пелистер, левиот бек по четврти пат ќе го носи дресот на Металург, откако претходно во клубот од Автокоманда настапувал во сезоните 2005-06, 2007-08 и 2013-14.

Освен за Металург, Пецаковски настапувал и за Пелистер, Вардар ПРО, Зомимак М, Клуб Африкан и за Еурофарм Работник.

Пецаковски е седмото засилување на Металург за претстојната сезона, откако претходно за тимот потпишаа и Лука Вујовиќ, Милан Поповиќ, Равез Чантурија, Маријан Мариќ, Иракли Кбилашвили и Даниел Ѓоргески.