Јувентус ќе го позајми Игуаин во Рома

Јувентус ќе и го позајми на Рома својот напаѓач Гонсало Игуаин, пишува „Кориер дело спорт“.

Рома за услугите на Игуаин ќе треба да плати шест милиони евра, а доколку бидат задоволни од неговите настапи, можат и да го откупат неговиот договор за кој ќе треба да платат 27 милиони евра.

Истиот извор додава дека се чека само прифаќањето на позајмувањето од страна на Аргентинецот во Рома, за да договорот меѓу двата италијански клубови биде официјален.

Новиот тренер на Јуве, Сари преферира технички потковани играчи кои можат да учествуваат во создавање напади, затоа се повеќе размислува за поставување на Роналдо на врвот на нападот.