103 ученици од Општина Карпош заминаа на одмор во Република Грција

Рано утринава, 103 ученици од Општина Карпош заминаа на одмор во Република Грција, во кампот „Александра“. Станува збор за осум првенци на генерација, 38 ученици во социјален ризик и 57 спортисти.

Ова се учениците кои во текот на изминатата учебна година покажаа најдобри резултати во наставниот дел и во спортот. Од оваа година, се зголеми опфатот на деца и локалната самоуправа одлучи да даде простор и на учениците од социјално – загрозените семејства.

На овој начин обезбедуваме поттик и поголем простор за дружење меѓу сите ученици кои една недела ќе имаат можност да другаруваат, да спортуваат и да се рекреираат. Предвидени се различни активности за учениците: пинг – понг, игри без граници, тематски забави на плажа, водени спортови, одбојка и др.

Со цел грижа и поддршка на децата, присутни се и лица од Општина Карпош, претставници од Одделението за образование и Одделението за спорт и култура. Дополнително, за децата ќе се грижат и обучени тренери.

Општина Карпош им посакува убав одмор на сите ученици и со нови сили, елан и енергија да ја започнат новата учебна година.