Анкета: 78 проценти од жените кои одат на јога сметаат дека имаат подобар сексуален живот

Точно 2.000 рекреативни спортистки учествуваа во истражувањето на интернет- платформата за запознавање „Илисит инкаунтерс“. И, резултатите говорат дека жените што се занимаваат со јога како хоби најмногу изневеруваат.

Од испитаничките кои рекле дека се занимаваат со спорт од хоби и дека имале барем една авантура, точно 1.168 од 2.000 жени одговориле дека се занимаваат со јога.

Натаму, 78 отсто од оние со ова хоби, изјавиле дека тоа им го подобрило сексуалниот живот, а 52 отсто од нив признале дека најмалку еднаш го изневериле својот партнер.

На второ место, во таа смисла, се жените што бегаат од своите проблеми со трчање низ соседството. Од нив 20 отсто го изневериле партнерот. На трето место се тенисерките, а натаму следат оние што одат на фитнес, пливање, велосипедистките и, на останатите отпаѓаат два отсто.

Натаму, 12 отсто од испитаничките рекле дека се одлучиле за хоби само за да минуваат помалку време со партнерот. На истото прашање, 26 отсто изјавиле дека сакале да испробаат нешто ново, 10 отсто кажале дека на таа одлука влијаеле нејзиниот нов партнер, а осум отсто – сакале да ослабат. Околу шест отсто тоа го гледаат како нов начин за ослободување од стресот.