Есенска акција за генерално чистење на скопските општини

По повод Светскиот ден на чистењето - 21 Септември, ЈП „Комунална хигиена“- Скопје и Градот Скопје организираат масовна акција за генерално чистење на сите скопски општини. Во рамките на акцијата ќе бидат отстранети и графитите со навредлива содржина, коишто промовираат говор на омраза, верска и етничка нетрпеливост.

Воедно, во периодот од 21.09. до 24.09.2019 година, во секоја општина ќе бидат поставени специјални садови во коишто граѓаните ќе можат да го одлагаат кабастиот отпад - стариот мебел и отпадот од електронската и електричната опрема.

Садовите за одлагање кабаст отпад ќе бидат поставени на следните локации:

Општина Чаир: - раскрсницата меѓу булеварот Цветан Димов и улицата Коста Абрашевиќ - раскрсницата меѓу улиците Џон Кенеди и Дижонска - ул. Ресенска, до ресторанот Фа-Фа

Општина Аеродром: - бул. Февруарски поход, во близина на супер маркетот „Рамстор“,во близина на автобуската постројка на последна 5-ка - бул. АВНОЈ број 68 - 74 во непосредна близина на маркетот М - нас. Лисиче, ул. Димитар Туриманџоски, по полициската станица

Општина Шуто Оризари: - во близина на Жито Лукс -спојот меѓу ул.Брсјачка буна и ул.Нов живот, кај Спортската сала -спојот меѓу ул. Нов живот и Гвадалахара, во близина на автобуската постројка на последна 19-ка

Општина Гази Баба: -нас. Автокоманда, ул.Лазар Поп Трајков (пред напуштениот објект на Центро) -ул. Маџари, кај ресторан Далија -нас.Железара, кај автобуската постројка на последна 16

Општина Бутел: -ул. Груица Војвода (зад кино Бутел) -сквер на ул. Хо Ши Мин и ул. Рудо, Бутел 1 -Кај спортската сала Иван Хаџи Николов во Радишани

Општина Кисела Вода: -ул.Ратко Митровиќ, до Спортската сала -раскрсница на ул.Христо Татарчев и ул.Дебарска, кај Гет кафе -Парк Пушкин

Општина Центар: - спроти Вучко на аголот на улиците Костурски херои и Ул. Борка Талевски - кај кружен тек во Дебар маало на Ул. Наум Наумовски Борче - кај Зелен пазар, на паркингот зад Макпетрол, до подземните контејнери

Општина Карпош: - ул. „Брадфордска“, во близина на ресторанот „Македонска куќа“, во Козле; - ул. „Женевска“, кај автобуската постројка на последна „24“, во Тафталиџе 2; - ул. „Ванчо Мицков“ бр.50, кај постоечките контејнери на ЈП Комунална хигиена – Скопје

Општина Ѓорче Петров: -ул.Даме Груев, десно по Ромското маало -нас. Хром, ул. Воин Д., до спортското игралиште -нас.Дексион, кај автобуската постројка на последна 5-ка

Општина Сарај: -на патот за Грчец, кај Халк Банка -с.Кондово, кај Фурната