Чудата на Митревски против Веспрем му донесоа место во тимот на месецот

Голманот на Еурофарм Работник, Николче Митревски, се најде во идеалниот тим на ракометната СЕХА лига, за месец октомври. Тој беше најдобар голман во регионалната лига и во септември.

Митревски има одлична сезона на голот на битолскиот тим, а најспектакуларна партија прикажа против Веспрем, кога Еурофарм Работник го изненади унгарскиот состав кој беше фаворит. Освен 12-те одбрани против Веспрем, Митревски имаше и вкупно 14 одбрани против Мешков Брест и ППД Загреб.

Покрај Митревски, во идеалниот тим за октомври се најдоа и Штрлек од Веспрем, Ѓукиќ од Металопластика, Пухоуски од Мотор, Ваилупау од Мешков, Ковалев од Спартак и Пешиќ од Нексе. Хорват од Нексе е тренер на месецот.