Линделоф аут за Партизан, Погба се враќа во декември

Дефанзивецот на Манчестер Јунајтед, Виктор Линделоф, утре вечер ќе го пропушти натпреварот со Партизан од Лигата на Европа. Шведскиот репрезентативец претрпе повреда на грбот.

– Не, Виктор е аут, па нема да биде достапен. Се надеваме дека тој може да се опорави за нашиот натпревар во текот на викендот, изјави менаџерот Оле Гунар Солскјер за клупската телевизија.

Норвежанецот откри и детали за состојбата на Ерик Баи и Тимоти Фосу-Менса.

– Тие веќе тренираат во теретана. Мислам дека можеме да ги видиме на тренинг со тимот наскоро. Особено Ерик Баи во семејството за две или три недели. Можеби ќе ги видиме во натпревар со резерви, но и двајцата се опоравуваат како што беше планирано, вели тренерот.

Оле на прес-конференцијата додаде дека Лук Шо, кој тренираше одделно од групата во среда, ќе се врати во составот многу наскоро. Истото важи и за Пол Погба.

– Пол нема да биде аут премногу долго. Тој ќе работи екстра за време на паузата за националните тимови. Се надеваме дека ќе се врати на почетокот на декември, посочува тој.

Што се однесува до состојбата на Аксел Туанзбе, Диого Далот, Немања Матиќ и Анхел Гомез, менаџерот рече дека околу нив нема никакви вести и дека ќе има повеќе информации за нив по паузата.