Рашфорд оптимист: Нема да е лесно, но не се откажуваме од ТОП 4 во Премиер лигата

Напаѓачот на Манчестер јунајтед, Маркус Рашфорд зборуваше за шансите на клубот да влезе во ТОП 4 оваа сезона.

– Нема да биде лесно, но не може да се нарече невозможно. Не треба да се концентрираме на другите тимови. Го покажуваме нашиот најдобар фудбал кога се фокусираме на самите себе и ја подобруваме нашата игра. Ова е единствениот начин да се игра добар фудбал за Манчестер Јунајтед, и треба да се вратиме на тоа. Треба да бидеме поенергични, изјави Рашфорд.

„Олд Трафорд“ е посебно место. Не им е лесно на ривалите кои доаѓаат овде, имајќи ја предвид поддршката на нашите навивачи. Кога сме во елемент играме со темпо што е тешко да се запре. Ние го користиме ова како упатство за да продолжиме понатаму, додаде фудбалерот на Јунајтед.

По 11.коло во Англиското фудбалско првенство, Манчестер јунајтед се наоѓа на 10.место со 13 бода, десет помалку од четврто пласираниот Челзи. Лидер е Ливерпул со 31 бод.