Азар нема да игра на шпанскиот Суперкуп

Закрепнувањето на Еден Азар оди според планот, но тој нема да може да му помогне на Реал Мадрид во натпреварите од шпанскиот Суперкуп.

Белгиецот веќе еден месец е во аут откако се повреди на мечот со ПСЖ, и уште не е закрепнат за да може да почне со тренинзи. Шпанскиот Суперкуп ќе се игра во Саудиска Арабија и почнува на 8 јануари, но со Азар нема да се ризикува, нема да игра, туку ќе биде поштеден за поважните мечеви кои ќе се играат после тоа.

Сега целта е Азар да се појави кон крајот на јануари или на почетокот на февруари, токму на време за градското дерби со Атлетико и за пресметките со Манчестер сити во ЛШ, како и за Ел Класико против Барселона на 1 март.