Ракометно ЕП: Хрватска на чекор до полуфинале

Хрватска ја совлада Австрија со 27:23 во првиот натпревар од втората фаза на Европското ракометно првенство и направи огромен исчекор кон полуфиналето.

Победникот во „Винер Штадхале“ беше решен во воведните 30 минути што им припаднаа на „коцкестите“ со 13:8. Тимот на Лино Червар во продолжението одржуваше предност од четири до шест гола разлика и не дозволи никаква неизвесност.

Лидер во победничката селекција беше Златко Хорват со шест гола, по пет додадоа Домагој Дувњак и Лука Циндриќ. Шест погодоци, пак, за Австријците постигна Роберт Вебер.