Ангелов меѓу стативите на Пролет

Македонскиот ракометен суперлигаш Пролет со звучно име меѓу стативите во продолжение на сезоната во домашното првенство. Скопскиот клуб потпиша договор со поранешниот репрезентативен голман, Петар Ангелов-Диви за наредните 18 месеци.

Ангелов прави кам-бек во македонската клупска ракометна сцена од Ратинген, а освен во германскиот тим играше и за Кремс во Австрија, за трембле во Франција и за Анталија во Турција.

Пролет е петта македонска екипа за која ќе брани искусниот Ангелов по Вардар, Металург, Пелистер и Тиквеш.