И Македонија во финалето на Европското првенство преку судиите Николов и Начевски

Европската ракометна федерација (ЕХФ) објави дека македонските судии Славе Николов и Ѓорѓи Начевски ќе го судат финалето на Европското првенство.

За Николов и Начевски тоа ќе биде прво големо финале на сениорско натпреварување. Додека судеа натпревари во младинска конкуренција имаа едно финале на Светско првенство за младинци.

Финалето на ЕП 2020 се игра во недела од 16 часот во Стокхолм.