Ферари ја затвора фабриката во Маранело

Ферари ја затвори својата фабрика во Маранело, вклучувајќи ги сите операции на Ф1, како резултат на мерките за новиот коронавирус. Италија стана главно огниште на заразата и владата донесе многу тешки одлуки. Некои бизниси имаат можност да продолжат, но автомобилската индустрија не може да продолжи заради непремостливи проблеми со снабдувањето на делови и суровини.

Во официјалното соопштение се вели дека производството во Маранело и Модена запрело веднаш до 27 март, а екипата на Ф1 престанала со работа. Персоналот ќе продолжи да работи далечински од дома, колку што е можно.

Генералниот директор Луис Камилери е благодарен на сите вработени во Ферари за нивната посветеност и подготвеност што е клучно за самата марка.

– Нашите клиенти и навивачи се исто така приоритет за нас, особено сега кога се подготвуваме за силно рестартирање, вели тој.