Истанбулското обвинителство подигна обвиненија против 20 лица поради убиството на Кашоги

Обвинителството на Истанбул подигна обвиненија против 20 лица осомничени поради убиството на саудискиот новинар Џамал Кашоги во октомври 2018 година.

Против 18 Саудијци покренато е обвинение за „убиство со предумисла“, а двајца се обвинети за „потикнување на убиство“.

Двајцата обвинети за „поттикнување на убиство“ се Сауд ал Кахтани, советник на саудискиот престолонаследник Мохамед бин Салман и поранешниот прв човек на саудиското разузнавање генерал Ахмед ал Асири . Другите 18 лица се обвинети за извршување на убиството на Кашоги.

На 2 октомври 2018 година Кашоги влезе во Амбасадата на Саудиска Арабија во Истанбул и оттогаш му се губи секаква трага. Тој беше познат критичар на саудиската власт. На 20 октомври официјален Ријад призна дека новинарот е убиен во Амбасадата.