Одложен прошталниот меч на Вознијацки против Серена

Прошталниот натпревар на поранешниот прв рекет на светот Каролина Вознијацки, во кој требаше да игра со Серена Вилијамс, е одложен поради пандемијата на коронавирус и ќе се одржи кон крајот на годинава.

Натпреварот во Копенхаген беше закажан за 18 мај, а сите билети беа продадени уште во декември.

Вознијацки рече дека тие ќе останат валидни за новиот датум.

За потсетување, данската тенисерка одлучи да ја заврши кариерата по Австралија опен.