ЈСП: Јавниот превоз утре од 5 до 9 часот и од 13 до 16 часот, но, по неделен возен ред

Ве информираме дека и утре, петок (17.04.2020 год) јавниот превоз ќе сообраќа во две смени, од 5 до 9, па од 13 до 16 часот, но, по неделен возен ред.

Во прилог се термините на поаѓање (првите и последните, согласно рестрикциите).

Останатиот распоред, во меѓупериодот од први/последни наведени термини, може да се види на веб страницата на ЈСП Скопје.

Пример за преглед. Линија 5 (Н.Лисиче-Дексион)

Согласно неделен возен ред, линијата 5 почнува да сообраќа од 5.10 ч, па се реализираат сите термини се до последниот термин во 9 часот, односно 5.35 ч, 6 ч, 6.25 ч, 6.43 ч, 7.01 ч, 7.19 ч, 7.37 ч, 7.55 ч, 8.13 ч и 8.31 ч, па продолжува 12.43 ч, како прв наведен термин од 13 ч, па 13.01 ч, 13.19 ч, 13.37 ч, 13.55 ч, 14.13 ч, 14.31 ч, 14.49 ч, и последен наведен пред 16 часот, 15.07 ч.

Утре, дежурни ќе бидат две билетарници и еден центар за персонализација.

Од 7.30 до 14 часот ќе работат билетарниците на Зелено пазарче и во Ѓорче Петров, а во истиот период отворен ќе биде и центарот за персонализација на Транспортен центар.

Ве потсетуваме дека услугите на ЈСП Скопје можат да се купат и во над сто трафики и маркети, дел од секундарната продажна мрежа на ЈСП Скопје

Согласно одлуката на Влада на РСМ за забрана на движење на сите граѓани во период од 16 часот во петок, па до 5 часот во вторник (21.04.2020 год), јавниот превоз нема да функционира.

Во истиот период затворени ќе бидат сите билетарници и центри за персонализација на ЈСП Скопје.