Илјадници православни христијани во Белорусија денеска го прославија Велигден во црквите низ земјата, игнорирајќи ги повиците на здравствените власти и црковните великодостојници да останат дома и со тоа да го спречат ширењето на коронавирусот.

-Треба да се зачува традицијата на нашите родители, татковци и дедовци. Мислам дека не сме направиле никаква жртва со доаѓањето денеска овде. Верувам дека Бог ќе нè заштити, изјави верник во Соборната црква во Минск.

Британските медиуми пренесуваат дека Белорусија е една од ретките земји што не воведе мерки за изолација заради пандемијата со Ковид-19.

Според белоруското Министерство за здравство, досега починаа 47 лица од коронавирусот, а до петокот во земјата имаше регистрирано 4.779 заразени.



Автор: Администратор
Објавено на: 19/04/2020 22:10