УС Опен може да се одржи на терените во Индијан Велс оваа година

Отвореното првенстви на САД би можело да се одржи во Индијан Велс оваа година, според „Марка“.

Њујорк, каде традиционално се одржува Гренд-слем турнирот, е еден од градовите најмногу погодени од пандемијата од коронавирус, а спортскиот комплекс во моментов се претвора во привремена болница. Калифорнија, каде се наоѓа Индијана Велс, има поголема веројатност порано да се опорави од коронавирусот.

Индијан Велс е домаќин на еден од најголемите турнири на АТП и ВТА календарот, така што инфраструктурата е во можност да биде домаќин на натпревари од Гренд-слем.

Турнирот во Индијан Велс беше првиот што не се одржа оваа година заради кризата со коронавирусот.

УС Опен треба да започне на 24 август.