Принцот Хари со улога во „Томас и пријателите”

Принцот Хари е дел од прославата на 75-от роденден на цртаниот главен лик во филмот „Томас и пријателите“.

Имено, британскиот благородник ја имаше честа да ја најави специјалната епизода од ТВ емисијата. Хари го направи тоа седејќи во фотелја, со препознатливата сликовница „Томас и кралската локомотива“ в рака.

Цртаниот јунак Томас „оживеа“ 1945 година, прво како лик од книгата „The Railway Series“ на британскиот свештеник и писател Вилберт Одри и неговиот син Кристофер. Потоа следеше и детска ТВ емисија првпат емитувана во 1984 година, а трае и денес.

Јубилејната епизода ќе се прикажува низ светот од 1 мај на Нетфликс.