Превентивна акција против коронавирус во Кавадарци

Превентивна акција против коронавирус се реализираше денеска во Кавадарци. На влезовите во градскиот зелен пазар, од страна на полициски службеници, волонтери на Црвениот крст, преставници од ЈП паркинг и „Мој Општинар“ се делеа едукативни флаери, во кои се содржани препораките за носење заштитна опрема, држење социјална дистанца и други препораки за заштита и превенција од вирусот.

-Оние граѓани и продавачи на тезгите кои во пазарот влегуваа без заштитна опрема, беа предупредувани и им беа на лице место поделени заштитни маски. Бројот на лицата кои немаа заштитна опрема беше многу мал. Помеѓу оние лица кои поминаа низ градскиот пазар и кои ги почитуваа препораките за носење заштитна опрема, беше и градоначалникот на општина Кавадарци Митко Јанчев, рече Димитар Каракулев, инспектор за превенција и претседател на Општинската организација на Црвен крст.