Ѓурѓовденска слава во валандовскиот манастир „Свети Ѓорѓи“

Црквата во манастирот „Свети Ѓорѓи“ во Валандово уште во текот на вчерашниот ден ги повика православните верници од општината и регионот попладнево да приуствуваат на прославата на Ѓурговден, поточно на славскиот ручек кој ќе се дели попладнево.

Со оглед на фактот дека земјава е се уште во вонредна состојба, локалните власти ги повикаа верниците на воздржаност, почитување на мерките за социјална дистанца и групирање, апелираа да се носат заштитни маски, но најавија и зголемено присуство на полиција.

Покрај се, локалните власти изразија надеж дека граѓаните ќе ги почитуваат мерките и дека ќе го задржат високото ниво на свест за уште подисциплинирано однесување и доследно почитување на препорачаните мерки за заштита од ширење на коронавирусот.

Инаку, манастирската слава во валандовскиот манастир „Свети Ѓорги“ почнала утрово со одржување богослужба и мал водосвет.