Повеќе компании донираат за Општата болница во Куманово

Повеќе општествено одговорни компании донираат материјали за работа на Кумановската општа болница, информираа денеска од јавната здравствена установа.

Ротари клубот на блоницата и донираше визири и средства за дезинфекција.

-Ограноците на Ротари клубот од почетокот и помагаат на Кумановската болница, донирајќи под мотото „Заедно против Ковид 19". И покрај тоа што се намалува бројот на позитивни на Ковид 19, сепак постојано трошиме дезинфициенси, опрема и мора секогаш да сме подготвени за оваа состојба, изјави директорката на болницата, Снежана Захариева.

Во изминатиот период од почетокот на кризата повеќе компании и индивидуалци, ентузијасти ги подржуваат здравствените работници во установата. Во донациите се вклучени сите од Министерствата за здравство, за внатрешни работи, општина Куманово, компании. Бројни донации пристигаат од ентузијасти и од индивидалци. Помошта се состои во средства за дезинфекција, заштитна опрема скафандери, потребни материјали, визири, капи, апарати.

-Бројни се донациите кои пристигаат во Кумановската болница. Општествено-одговорни компании од Куманово и од државата, сите заеднички и помагаат на болницата во борба против Ковид 19, вели Захариева.