Искршена надгробна плоча дел од асфалтирана улица во Ѓорче Петров (Фото)

На социјалните мрежи се појавија фотографии од асфалтирана уличка во општина Ѓорче Петров, а како што може да се забележи на нив, на еден дел од улицата е поставена искршена надгробна плоча.

- Три години ќе намолиш за тампон на уличка од стотина метри, едвај ќе стават и го добиваш ова. НАДГРОБНА ПЛОЧА, стои во фејсбук објавата на страницата именувана како Ѓорче Петров.

Улица 31, Волково.

Останува нејасно зошто е ставена ?

Веројатно како споменик за нашите желби за нормални услови за живот.

Кој ја ставил ?

Чија е оваа плоча ?

Ги контролира ли некој работниците ?

Кој ќе понесе одговорност ?

Aleksandar Naumoski и општина Ѓорче Петров освестете се !

Излезете од канцелариите и видете со што се соочуваат луѓето.

Одамна го поминавме стадиумот на смешно, веќе е морбидно, се додава во нивната објава.