Казнени налози за четири лица од Гостивар, го прекршиле полицискиот час

Основното јавно обвинителство Гостивар, до Основниот суд во Гостивар достави предлози за издавање казнен налог против четири лица од Гостивар.

– Обвинетите се движеле пеш или со возила додека во сила била забраната за движење на населението на територијата на државата.Со прекршување на полицискиот час, обвинетите сториле кривично дело – Непостапување според здравствените прописи за време на епидемија, информираат од ОЈО Гостивар.

Надлежен јавен обвинител од Основното јавно обвинителство Гостивар ​му предложи на Судот на обвинетите да им биде определена парична казна во висина од по 100 дневни глоби.​