Формула 1 објави финансиска загуба од КОВИД-19 – резултатите се катастрофални
„Либерти Медија“ објави катастрофални финансиски загуби кои кризата КОВИД-19 ги нанесе на Формула 1. Во извештајот за првиот квартал од годината, организацијата објави дека приходите паднале од 246 милиони долари, во однос на истиот период во 2019 година, на само 39 милиони долари – пад од 84 проценти .
Во текот на овој период требаше да има трки во Австралија и Бахреин, но тие беа откажани поради пандемијата. За месеците кои се работи – јануари, февруари и март, главните приходи од такси, спонзорство и радиодифузија требаше да изнесуваат околу 198 милиони долари, но во реалноста организацијата доби само 13 милиони.
– Бидејќи немаше спортски настани во првиот квартал на 2020 година, главниот приход на Формула 1 се состоеше од спонзорски договори кои не се поврзани со официјалниот почеток. Слично на тоа, другите приходи се целосно поништени. Во моментов не очекуваме дека ќе има натпревари во вториот квартал од годината, изјавија од „Либерти“.
Формула 1 сепак се надева дека ќе може да одржи 18 трки до крајот на 2020 година, но сите ќе бидат пред празни трибини. Засега, сезоната е предвидена да започне во текот на викендот од 3-5 јули во Австрија.
„Либерти Медија“ додаде дека не биле извршени исплати на тимови чие трошење паднало од 52 милиони на 43 милиони долари минатата година. Во 2019 година, тие добија вкупно 93 милиони долари за истиот период.
– Ние немаме направено исплати кон тимовите откако тие ќе бидат утврдени врз основа на нивното претставување трка по трка, додаваат од Либерти.
