Мерцедес негира дека преговара со Фетел

Шефот на Мерцедес, Тото Волф се премисли и почна да негира преговори со Себастијан Фетел.

Претходно, Австриецот призна дека не може а да не ја следи ситуацијата околу иднината на Себастијан и разгледува можен договор.

Претходно, четирикратниот светски шампион објави дека оваа сезона е негова последна во Ферари и двете страни ќе се разделат на крајот на годината.

– Ние сме лојални на нашите сегашни возачи и не сакаме да ги започнеме разговорите во време кога сезоната дури не започнала, вели Волф. Шесткратниот светски шампион Луис Хамилтон и Валтери Ботас имаат договор со Мерцедес до крајот на сезоната 2020 година и прво ќе се преговара со нив, пред евентуално Волф да погледне надвор од сегашниот пилотски состав.

– Би било одлично од германска гледна точка, но мора да останеме верни на нашите принципи. Лојалноста е важна и е една од нашите вредности, заклучи шефот на шампионите.