Сител, Алфа и Ал Сат прокнижиле добивки, Телма и Канал 5 во минус

Позитивен финансиски резултат оствариле три телевизии и тоа ТВ Алфа (добивка во износ од 14,06 милиони денари), ТВ Алсат-М (0,10 милиони денари) и ТВ Сител (31,81 милиони денари). ТВ Канал 5 годината ја завршила со загуба од 9,50 милиони денари, а најлош финансиски резултат остварила ТВ Телма (загуба од 22,8 милиони денари).

Вкупните трошоци на овие пет телевизии изнесувале 1.269,06 милиони денари. Само ТВ Алфа потрошила помалку средства отколку во претходната година (за 4,38%). Останатите четири телевизии ги зголемиле трошоците и тоа: ТВ Алсат-М за 1,53%, ТВ Канал 5 за 7,34%, ТВ Сител за 10,38% а ТВ Телма за 17,59%.