Четворица загинати при уривање на трговски центар во изградба во Русија

Четворица градежни работници загинаа, а уште еден е повреден кога се урнал трговски центар во изградба на околу 1.000 километри североисточно од Москва, јави Тасс денеска.

-Гредите се урнаа и четворица градежни работници загинаа, а уште еден, кој беше заглавен во урнатините, е извлечен, изјави Анатолиј Кошчеев, шеф на округот Зујевски, каде се наоѓа градилиштето.

Еднокатниот трговски центар го градел приватен инвеститор и имал одобрение и дозвола за градба.