Без струја утре повеќе делови од Скопје

Заради технички зафати во дистрибутивната електро мрежа утре без електрична енергија ќе останат дел од корисниците од општините Сарај, Карпош и Ѓорче Петров, соопштуваат од РЦУК – Скопје.

Во периодот од 08:00 до 14:00 часот без електрична енергија ќе останат корисниците на дел од селото Матка, Општина Сарај.

Во периодот од 09:00 до 14:00 часот без струја ќе бидат корисниците на дел од улицата „Франц Пешерн”, Општина Карпош.

Во периодот од 10:00 до 12:00 часот без електрична енергија ќе останат корисниците кај ОУ „Јоаким Крчовски” во село Волково, Општина Ѓорче Петров.