Третото прскање против комарци во десетте општини од Југоисточниот плански регион ќе се изврши утре и задутре, информираат од Центарот за развој на овој регион.
Утре, во период од 19:00 до 02:00 часот ќе се прска во општините Конче, Радовиш, Струмица, Босилово, Василево и Ново Село, а задутре во општините Валандово, Богданци, Дојран и Гевгелија.
Од Центарот ги известуваат сопствениците на пчелни семејства да преземат соодветни мерки за заштита, односно да ги затворат истите во најавениот период.