Две лица повредени во сообраќајка на патот кон Драчево

Две лица се повредени во сообраќајна несреќа што се случила изутринава на крстосницата од улиците „Јустинијан Први“ со „Славка Динкова“ во Скопје. Лицата се пренесени во Комплексот клиники „Мајка Тереза“ во Скопје, во Ургентниот хируршки центар.

Ккако како што информираат од МВР за МИА, изутринава во 7:40 часот било пријавено во СВР Скопје дека се случила сообраќајната несреќа меѓу две возила, „Цитроен саксо“ со скопски регистарски ознаки и „Форд“ со скопски регистарски ознаки.

Во моментов полицијата врши увид.