ЦЈЗ во Струмица доби комора за брза анализа на земените тестови за Ковид-19

Центарот за јавно здравје во Струмица доби комора со која ќе прави брза анализа на земените тестови за Ковид-19 во својата лабораторија.

Комората е донација од „Еуромакс ресорсес“, меѓународната компанија која го развива проектот за рударскиот мега-комплекс Иловица – Штука.

Ова практично ќе значи дека примероците за тестирање нема да се праќаат во акредитираните лаборатории во Скопје, туку лабораторијата во Струмица самостојно ќе може да изработи околу 100.000 тестирања за целиот регион.