Фленсбург на колена во Скопје, Вардарци со првата победа во Лигата на шампионите

Ракометатите на Вардар вечерва во Скопје ја забележаа првата победа во новото издание на Лигата на шампионите против германски Фленсбург со 31:26 (17:15) во чертвртото коло од елитното ракометно натпреварување.

Иако Фленсбург пристигна во Скопје со десеткуван тим, вардарци одиграа одлично во СЦ „Јане Сандански“ и го нанесоа првиот пораз во Лигата на шампионите на Германците оваа сезона.

„Црвено-црните“ водеа речиси во текот на целиот натпревар, одиграа добро во одбрана и речиси не го доведоа во прашање крајниот исход од дуелот.

Најдобар кај победникот беше Стојанче Стоилов со осум гола, додека Дисингер и Јотиќ постигнаа по четири гол.

Вардар по два одиграни натпревари е на шестото место на табелата со 2 бода, додека Киелце по 4 одиграни меча е на врвот со 6. Фленсбург е на второто место со истиот скор.

Следен противник на скопскиот тим е португалскиот Порто, а дуелот на 22 ноември повторно ќе се игра во „Јане Сандански“ .