Заврши инсталацијата на ново улично осветлување на излезот во Делчево

Заврши инсталацијата на нова линија за улично осветлување на излезот од Делчево.

Надлежните информираа дека станува збор за линија долга околу 1 километар која почнува од населбата Расадник, за што Општината инвестирала во броило, канделабри и нова линија.

-Новата линија која се протега од населбата Расадник до гробиштата во Делчево е само една од инвестициите во ново улично осветлување во градот и селата, која се реализира интензивно последниве три години. Целта е да се подобрат условите за живот и безбедноста на граѓаните, градот и населените места да бидат соодветно осветлени, но и законска обврска на општината која се сервисира редовно, информираа надлежните.

Претходно, нови линии за улично осветлување добија Димовско Маало во селото Драмче и уште неколку села во Делчевско.

-Нови линии за улично осветлување добија село Драмче и населбата Студена Чешма во село Очипала како и село Полето. Зголемениот број на канделабри, односно улично светилки се поставени на барање на жителите и во населбите Стрелиште, Таушанско Маало, Први Реон, Трети Реон, населба Расадник, населба Басарица, Милково Брдо, Ново Делчево, село Габрово и дел до регионалниот пат до Делчево, село Ѕвегор и Ѕвегорска Река, село Вирче, село Град, село Тработивиште, село Стамер и село Разловци, а дополнителни рефлектори се поставени и на пешачкиот мост, додадоа надлежните.

Во моментот, како што дополнија, се работи на дислокација на дрвените бандери заради нивна замена со бетонски столбови со менување на линијата во целата општина.