Водата во Скопје безбедна и квалитетна за пиење

Водата за пиење во Град Скопје е исправна и безбедна за пиење, покажуваат најновите анализи направени од страна на Секторот за санитарна контрола во „Водовод и канализација".

Оттаму информираат дека во периодот од 19 до 22 октомври испитани се 150 примероци за физичко-хемиска и 150 примероци за микробиолошка анализа на водата од 42 мерни места во Скопје.

– Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење (Службен весник на РМ, бр.183/18), информира „Водовод и канализација".