Боксерот Ардијан Аземи обезбеди најмалку бронза на Европско првенство во Будва

Македонскиот репрезентативец во бокс Ардијан Аземи обезбеди најмалку бронзен медал на младинското Европско првенство, што се одржува во Будва.

Аземи во четвртфиналето го победи Дује Гацина од Хрватска со едногласна одлука на судиите.

Ова, како што соопшти Боксерската федерација на Македонија, е историски резултат за македонскиот бокс во младинска конкуренција.