Водата во Скопје е квалитетна и безбедна за пиење

Водата за пиење во Скопје е исправна и безбедна за пиење, покажуваат најновите анализи направени од страна на Секторот за санитарна контрола во „Водовод и канализација".

Во периодот од 23 до 27 ноември испитани се 184 примероци за физичко-хемиска и 184 примероци за микробиолошка анализа на водата од 40 мерни места во Скопје.

– Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење (Службен весник на РМ, бр.183/18), информира „Водовод и канализација".