Кик боксерот Силвио Мировски освои златен медал на Меѓународниот турнир во Србија

Младиот македонски кик боксер, Силвио Мировски освои златен медал на Меѓународниот турнир „Balkan Best Fighters“ одржан викендот во Јагодина, Србија.

Четиринаесетгодишниот член на клубот Гладијатор од Скопје беше најдобар во категоријата КЛ до 52 килограми.

На турнирот покрај македонски, учествуваа и натпреварувачи од Србија, Молдавија, Босна и Херцеговина, Бугарија и Црна Гора.

Најуспешни беа бугарските борци со 21 злато, девет сребрени медали и еден бронзен.

Македонските претставници освоија шест злата, пет сребрени и 13 бронзени медали.