Сервисиран дефектот со електричната енергија на Кале

Во населбата Кале во Општина Центар по дводневниот прекин, повторно има напојување на електрична енергија во домовите.

Службите на Општина Центар, во соработка со ЕВН, го отстраниле дефектот и во домовите на Кале повторно има електрична енергија.

Од општината информираат дека со сервисирањето на дефектот обезбедена е електрична енергија со засилен напон, а како главна причина за дефектите, велат оттаму, се јавуваат многубројните нелегални приклучоци во овој дел од Центар.

Општина Центар и ЕВН апелираат до граѓаните броилата од своите дворови и домови да ги постават на јасно видливи места, од каде директно до граѓаните ќе биде регулирано напојувањето со електрична енергија.